In nomine Domini Amen existentibus providis viris Antonio Marignani Sassolini. Mariano Nicolai Simonis. Cionaccio Francisci Baroncelli. Filippo Arrighi Arrigucci. Laurentio Pieri Borsi et Andrea Bonaventura Andree. civibus Florentinis Consulibus Artis Porte Sancte Marie Civitatis Florentie. die xx Junii MCCCCIIII. Franciscus olim Marchi de Prato et Stoldus filius olim Laurentii. cives et mercatores florentini hactenus sotii constituti in Curia dicte Artis coram offitio consulum dicte artis, omnium congregatorum in curia dicte artis, denumptiaverunt et notificaverunt dictis consulibus separationem eorum societatis, dicentes et manifestantes quod eorum societas quam ipsi hactenus simul habuerunt fuit et est finita, et ulterius non durat et quod apotheca sive fondacum in qua, sive quo, ipsi fecerunt et exercuerunt eorum artem et sotietatem, necnon debita et credita in scripturis et libris dicte eorum societatis remanent totaliter dicto Francisco Marchi, et petierunt a dictis consulibus predicta notificari et intimari mercatoribus et artificibus et inter mercatores et artifices dicte artis secundum exigentiam statutorum et ordinamentorum dicte artis. Qui consules omnes simul ut supra dictum est congregati, auditis omnibus predictis, imposuerunt et mandaverunt Piero Becchi nuntio dicte artis quod vadat et predicta notificet mercatoribus et artificibus et inter mercatores et artifices dicte artis, secundum exigentiam statutorum et ordinamentorum artis predicte. Dicta Die Pierus Becchi predictus retulit se hodie vigore supradicte commissionis et post ipsam commissionem ivisse et fecisse dictam notificationem separationis dicte societatis dictorum Francisci et Stoldi secundum exigentiam statutorum et ordinamentorum dicte artis, et omnia fecisse ad plenum que in dicta commissione continentur, et a dictis consulibus habuit in mandato. [A tergo:] Questa è la copia della scrittura levata dall'arte di Porta Santa Maria quando Francesco di Marco e Stoldo di Lorenzo feciono dire per l'arte che non volevano essere tenuti più l'uno per l'altro.