In nomine Domini Amen,
Anno ejusdem a nativitate millesimo trecentesimo octuagesimo primo
indictione quarta, die decimanona
mensis
februarii, Pontificatus
Serenissimi in Cristo principis et domini nostri Domini
Clementis divina
providentia
Pape septimi,
anno tertio. Per hoc presens publicum
Instrumentum Universis et singulis pateat evidenter quod in mei
Laurentii
notarii publici et
testium infrascriptorum presentia personaliter
constitutus discretus vir
Franciscus Marchi de
Prato
mercator
Avinioni commorans provido viro
Venture Guccii mercatori
Avinioni
commoranti presenti quandam
literam
cambii trecentorum
francorum
auri in
papiro more
mercatorum scriptam quam jam XII dies sunt elapsi
ut asseruerunt alias eidem presentaverat representavit sub hiis verbis
vel similibus: Al nome di Dio Amen.
Pagrai per questa prima
lettera una
volta addì 12 vista a
Francesco di Marco da
Prato
franchi trecento
de quali
franchi CCC sono quie contento da
Falduccio di Lombardo
a
s
. 15
d
. 3 1
/2
franco, e metteli a
conto dell'amico. Addio.
T'accomando
Nicolao Bargesi. Salute di
Barch
inona fatta a dì
24
gennaio 1391. Suprascripta sic:
Ventura di Guccio in
Vignone
prima. Cum tali
signo
{marca} qua litera ut sopra presentata et lecta petiit dictus
Franciscus a dicto
Ventura ut sibi satisfaceret juxta tenorem ipsius litere
cum jam transiverint XII dies a die prime presentationis sibi
Venture de
dicta litera facte qui
Ventura respondens dixit quod propter tempora
contraria merchimonia sua venientia per mare non potuerunt applicare
ad partes istas de quibus dicta
pecunia extrahi et habere debuisset et
solvi. Unde dictus
Franciscus proptestatus fuit contra dictum
Venturam
audientem. Omnes et singulos alios quos presens negotium tangit licet
absentes de dicta quantitate
pecunie in dicta litera contente ac de
damnis expensis et
interesse sibi quomodocumque occurrentibus ex
causis predictis de quibus dictus
Franciscus petiit sibi et dictus
Ventura
concessit fieri publicum
Instrumentum et publica
Instrumenta per me
Notarium publicum
infrascriptum. Actum
Avinioni in Operatorio
merchiarie dicti
Francisci
juxta magna Cambia presentibus
testibus discretis viris
Bertrono Jacobi
de
Valentia et
Nicolao Bernardi mercatoribus
habitatoribus
Avinioni ad hec vocatis specialiter et
rogatis.
Ego
Laurentius Thedaldi civis et habitator
Avinioni publicus imperiali
auctoritate
notarius et
judex ordinarius premissis omnibus dum sic ut
premittitur agerentur et fierent una cum prenominatis
testibus presens
interfui eaque omnia et singula
rogatus et requisitus hic propria manu
scripsi
publicavi et
subscripsi meisque solitis
signo et nomine roboravi in
testimonium veritatis omnium premissorum