Elementi romaneschi in un lodo arbitrale del 13 settembre 1380

In nomine Domini, amen. Nos Macthias Pelagi et Iohannes Cole Rubei de regione Trivii arbitri arbitratores amicabiles conpositores et communes amicos [] arbitramus laudamus precipimus et mandamus, ad penam in compromissis in nos factis contentam, in hunc modum videlicet quod dictus Paulus stet ante domum habitationis Anthonii Macthei Iohannis sutoris cum x hominibus assotiatus et dictus Nardolus stet in quatruvio Madaleni symiliter cum x hominibus et tunc dictus Nardolus moveat se et veniat versus dictum Paulum cum dictis x sotiis et dicat dicto Paulo: «Paulo, quello ch'io feci no llo abbi ad fare»; et tunc respondeat dictus Paulus et dicat dicto Nardulo: «Perciò che no llo avesti ad fare te nde volglio dare la penetença»; et tunc dictis dictis verbis dictus Nardolus moveat se et fugat ante dictum Paulum equali passu usque ad dictum quatruvium et dictus Paulus vadat versus eum cum spata in manu ipsius cum fodero usque in dictum locum et dum ambe partes erunt ibidem congregate cum quodam baculo quem sibi dabimus in manibus percutiat dictum Nardolum in spatulis duabus percussionibus sine sanguine videlicet a collo infra. Item et quod dicte partes faciant ad invicem finem et generalem refutationem de omnibus que petere possent dictis occasionibus usque in diem fiende pacis et hiis factis dicte partes faciant et facere debeant pacem ad invicem etc. [] Lectum latum datum et arbitratum fuit dictum arbitrium laudum sive arbitramentum per dictos Macthiam et Iohannem arbitros et arbitratores prefatos sub anno Domini millesimo iij.c lxxx, pontificatus domini Urbani pape sexti, indictione quarta, mense septembris, die xiij, presentibus hiis testibus videlicet Laurentio Nicolai Alexii notario, Cola Cavisciolo de regione Trivii, Lello <nu> Tutii Covalova et Mactheo Pauli Scolani de regione Montium.