Incipiunt multe ystorie et troiane et romane
*Ut prosit legentibus ad usum et commoditatem legendorum
autorum . a primo homine incipiens usque ad urbem conditam
paulatim descendendo . primo nomina regum . deinde nomina
consulum eiusdem urbis . pugnas et victoria diversarum
gentium habitas et ad ultimum ad gesta imperatorum . prout in
diversis repperi codicibus . breviter percurram.
* *De Iasone et Thosone aureo.
Eo tempore fuerunt duo fratres Eson et Pelias. Pelias non habuit
masculam prolem set filias plurimas. *Eson vero habuit filium
Iasonem . qui dictus est filius Cereris eo quod multo habundavit
in frugibus terrenis . *Pelias timens ne Iason nepos eius sibi regnum
auferret . eo quod vir probus erat et strenuus . ipsi calide persuasit
ut iret in Pontum insulam et vellus aureum inde auferret . quod
erat simulacrum ad honorem Iovis . ubi revera ostendabantur
miracula . existimans illum propter ferocitatem Scitarum periturum .
quod si faceret dicebat medietatem sui regni sibi daturum .
*Iason vero statim navim hedificat et omnes nobiles Grecorum
secum adducit Erculem Peleum Telamonem Pilium Nestora et alios
quamplures . *cumque Iason cum suis essent ad litus troiani et nuntiatum
est Laumedonti regi pelagias rates advenisse . eos
in portu recipi non permisit et a suis finibus turpiter expulit . *illi vero
indignantes recesserunt et post reditum del Colcho insula . habito
aureo vellere . *cum Hercules domum repeteret , quantas iniurias
Laumedon ispis euntibus intulisset per omnes nobiles Grecorum
licteras direxit et congregato exercitu . *Nestore et Polluce et Pilo
Nestore in custodia domi dimissis . ipse cum ceteris ivit in Frigiam
quod cum nuntiatum esset Laumedonti . cum multitudine
militum obvius exivit . *Hercules vero et Telamon latuere post
montem . qui mons dictus est Figeus ab eorum latatione . nam
figere dicitur latere.